مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 25 مايو، 2014

رمضان على الابواب هلموووا لمخارق راهي جات

السلام عليكم ورحمة الله
بماانو رمضان على الابواب اللهم اعنا على صيام نهاره وقيام ليله ارتايت ان اضع بين ايديكم وصفة حلوى رمضانية مشهورة كثير عندنا اسمها لمخارق وهي احدى انواع الزلابية لذييييييذة جدا وللامانة خدمتهالي اختي في داري لانها هي لمعلمة فيها هههه
وهي مختلفة عن نتاع برا لانها بالدقيق تجي اخف من نتاع برا المعمولة من الفرينة 

المقادير قيس خبزة دقيق عادي +نص فنجان زيت +بيضة +ملعقة اكل خميرة وملح 

تبسسي الدقيق بالزيت عادي وتضيفي البيضة وتبللي عادي بالماء الدافيء حتى تتحصلي على عجينة متماسكة راح تلاحظي انها تلصق في يديك ماتتقلقيش

غطيها وخليها تختمر حوالي 20 دقيقة
اعجنيها مليح وابدئي باضافة الماء بالتدريج حتى تتحصلي على عجينة اطرى شوي من عجينة المطلوع ضعيها في اناء مدهون بالزيت وغطيها وخليها تخمر مرة اخرى حوالي ساعة 



هنا بعدما خمرت 

ماتزيديش تعجني عجينتك ادهني ايديك بالزيت وابدي شكلي حرابيش صغيرة بين يديك وحطيهم فوق بلاطو مدهون بالزيت


كي تكمليهم كامل ارجعي للحربوش الاول وكسليه بيدك واثقبيه باصابعك 3 ثقبات بهذا الشكل

حضري لعسل نتاعك يكون ثقيل شوي وبارد

سخني الزيت مليح ونقصي شوي برك

ابدي اقلي في حبات لمخارق رايحين يتنفخو وكي تشوفيهم احمرو من الحواف والثقوب اقلبيها


حمريها مليح وبمجرد الخروج من الزيت اغطسيها في العسل واستعيني بمغرفة كبيرة باش تتشرب لعسل


هاهي لمخارق جاهزة

نتمنى تجربوها راهي شهييييية جدا وخفيفة على نتاع برا
وشعارنا دائما
لا لشراء الجاهز من المحلات ونعم للوصفات البيتوتية 

0 التعليقات:

إرسال تعليق