مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 25 مايو 2014

بيسكويت الاوريو صنع منزلي روووووعة

بسم الله الرحمان الرحيم


والصلاة والسلام على اشرف المرسلين اما بعد



كيفكم اخواتي ان شاء الله كلكم بصحة وعافية

وصفة اليوم عبارة عن قاطو الاوريو عبارة عن بيسكويت بالكاكاو مع الكريمة ذوقه هااااايل وسمي بهذا الاسم لان شكله يشبه في بيسكويت الاوريو الذي يباع جاهزا اذن بدون اطالة نخليكم مع الوصفة.





المقادير:

العجينة:

250غ مرقرين
نصف كاس شاي زيت
200غ سكر رطب
صفار بيضة
كاس كاوكاو محمص ومرحي غبرة
زوج م ك حلوة الترك
4 م ك كاكاو اسود
م ص خميرة كيميائية
فرينة


كريمة الزبدة:

250غ زبدة
300غ سكر رطب
نصف كاس ماء
نصف كاس زيت
فاني


الطريقة:


بواسطة الخلاط الكهربائي نخلط الزبدة مع السكر ثم نضيغ الزيت زنحرك ثم صفار البيضة من بعد نضيف الكاوكاو المرحي غبرة وحلوة الترك نخلط المقادير جيدا
من بعد نضيف الخميرة والكاكاو ونشيح بالفرينة لازم نخلي العجينة طرية لان كمانعرف ان الكاكاو يخلي العجينة قاسحة.

نبسط العجينة بالحلال كما نعمل في الصابلي
من بعد نستعمل الحلال المزركش انا استعملت هذا الشكل



ونحط فوق العجينة ونقطع دوائر بقطاعة قطرها 5سم



ندخلها للفرن تطيب على 180درجة
بعد ما يطيب نخليه يبرد

في هذ الوقت نحضر كريمة الزبدة

بواسطة الخلاط الكهربائي نخلط الزبدة مع السكر جيدامن بعد نضيف الماء والزيت ونستمر في الخلط حتى نتحصل على كريمة تبرق نعطرها بالفاني



نلصق كل زوج حبات بيسكويت بالكريمة ونحط كمية مليحة منها



ونقدم بيسكويت الاوريو لي اكييييد راح يحبوه الكبار والصغار



هنا انا ماعملتش الكاوكاو غبرة رحيته رقيق فقط لذلك راه يبان شوية من الاحسن نعملوه غبرة



عن قرب لاحظو الكريمة امممم





ان شاء الله تجربوه وينال اعجابكم



ملاحظة:

هذي الكمية تقطع حوالي 40حبة.
كمية الكريمة لي حطيتها تخرج بزاف من الاحسن نعمل نصف المقادير


في امان الله

0 التعليقات:

إرسال تعليق