مشيهدة من مطبخ ام سهام 02

الحمد لله ربي و فقني ووفيت بوعدي في طريقة تحضير المشيهدة او الخشخاش و ان شاء الله تعجبكم و وليدي تعب معايا باه درنا هذا الموضوع
المقادير :
4 عبار فرينة مغربلة + 1 عبر مرغرين ذائبة باردة + ملح مذوب في الماء+ لمي العجينة بالماء و ماء الزهر حتى نتحصل على عجينة مشي طرية بزاف
و نخلوا العجينة ترتاح على الاقل 1/2 ساعة و نحلوها في الة التوريق (المشينة تع البقلاوة ) نحلوها عدة مرات في 1 و 2 و المرة الاخيرة في رقم 4 و بواسطة جرارة نقطع اشرطةمتكونش عريضة بزاف ثم نقلي كل شريط و نلوي بالفرشيطة على نار متوسطةو بعدها نحطوها فوق ورق مصاص و نخلوها تبرد تماما باه نعسلوها و نرشوها بجوز الهند او الجلجلان و الصور و الفيديو توضح ذلك

http://www.youtube.com/watch?v=J98fb...ture=youtu.be#!

تابع القراءة

هديتي اليكن بعد الغياب.....حلوى الطربوش بالشكولة رووووعة

السلام عليكم اخواتي


بعد غياب طويل عن المنتدى لاسباب خاصة رجعت والحمد لله
توحشتكم بزااااااف ان شاء الله راكم كااااااامل بخير
نشكر كل الاخوات لي سألو عليا الحمد لله راني لاباس
جبتلكم حلوى جديدة تسمى بحلوى الطربوش اقتصادية وتحمر الوجه في المناسبات السعيدة
نعملها في قوالب خاصة نحشيها حسب الرغبة ونغطسها في الشكولة ونزينها بالطلية وحلوى التوت لتأخذ شكل الطربوش

اذن نبدأ على بركة الله في تحضير هذا الحلوى


المقادير:

250غ مرقرين
نصف كاس سكر رطب
نصف كاس بندق محمص ومرحي رقيق وممكن نعوضه باي نوع اخر من المكسرات
بيضة +صفار بيضة
فاني
فرينة

الطريقة:

بواسطة الخلاط الكهربائي نخلط المرقرين والسكر جيداا نضيف البيضة وصفار بيضة ونحرك ثم البندق والفاني ونلم بالفرينة

بالنسبة للقوالب عبارة عن اكواب صغيرة راهي متوفرة في الاسواق يمكن نعمل بها عدة انواع من الحلوى ان شاء الله نحطلكم انواع اخرى بنفس القوالب وبافكار مختلفة

راح نأخذ كمية من العجينة ونبسطها في الاكواب

ندخلها للفرن تطيب على 180د وهذا شكلها بعد الطهي

من جهة نبسط العجينة المتبقية ونقطع دوائر بعدد الاكواب

بعد مانطيب الدوائر نخليها تبرد
بالنسبة للحشو نذوب الكابريس مع شوية حليب ونضيف كمية من نيسلي كرامليزي وكمية من نوتيلا ونحشي الاكواب

نحط كمية قليلة من الشكولة الذائبة على اطراف الكوب ونغلق بالدائرة هكذا

ونخليها تنشف حتى كي نقلبها الحشو يبقى للداخل

بالنسبة للشكولة انا استعملت النوار باه ماتجيش الحلوى حلوة بزاف لانها محشية

اذن نذوب الشكولة نوارانا ضفتلها كمية قليلة من الشكولة بالحليب لان اولادي مايحبوش الشكولة نوار ونقصت شوية من كمية الحشو

نغطس الحلوى في الشكولة ونقلبها على جهة الدايرة لي لصقناها ونخلوها تنشف

من جهة نحضر الطلية لي نزين بها

نخلط كمية من بياض البيض مع السكر الرطب والفاني والملوى الاحمر ونزين بهذا الشكل

في المنتصف نزين بحلوى التوت ونقدمها وهذا شكلها النهائي

شوفو شكلها ما احلاهوالذوق امممممممم

عن قرب

ان شاء الله تعجبكم الحلوى وتجربوها
ولاتنسوني اخواتي من صالح دعائكن

في امان الله

تابع القراءة

صابلي النقاش باللوز المنسل^_*

---

السلام عليكن
جبتلكم الوصفه نتاع الصابلي باللوز المنسل(رقائق اللوز) الوصفه شفتها في سميره مع بعض التعديلات الشخصية ههههه

المقادير :
بيضة كاملة + 1 صفار
½ كوب سكر ناعم
125غ مارغرين لينة

½ رطل مايزينة ( من الأفضل ديري اقل من هاد الكميه)
ملعقة كبيرة خميرة كيميائية
فانيليا
فرينة باه تلمي و من الأحسن تخلي العجينه طريه باه ماتعذبكش
التزيين :
نوتالا
ناستلي عادي
رقائق اللوز
شكولاطه مينا
و ألطريقه موضحة في الخطوات المصورة

اخدمي العجينه قطعيها لدوائر عاديه و دوائر مثقوبه انقشيها
طيبي الحبات بلا ماتحمار
اغطسي السطح في النستلي
لصقي كل زوج بالنوتالا
ذؤبي شكولاطه مينا في حمام مائي اسكبي في الوسط و لصقي اللوز قبل ماتنشف

تابع القراءة

**كاشير** رائع من مطبخي

طرق عمل الكاشير تختلف من طريقة لأخرى ومع ان الصيف نخافو شوي من شريه ومن الامراض لي يسببها خاصة للاولاد راح نعطيكم طريقتي في عمل الكاشير درتو اليوم باش نفيدكم بيه احبتي ربما يعجبكم 

المقادير :
4 ملاعق كبيرة سميد رقيق
8 ملاعق كبيرة أرز طايب في الماء ومصفي
8 فصوص ثوم مهروسة
زيتون أخضر مقطع
كمية من الجبن
4 ملاعق كبيرة زيت
4 بيضات
2 مكعبات جومبو خروف أو دجاج (( تقدري ديري مكعب واحد يكفي ))
ملعقة صغيرة موطارد
م ص ملح + نصف م ص فلفل أسود + م ص فلفل عكري حار+ م ص كمون
ملون غذائي أحمر
كيس سباقيتي + خيط خشن للربط 

حطي جميع هذه المكونات ماعدا الزيتون في الروبو والقوام يكون سائل

من بعد كي يترحاو المكونات مليح زيدي الزيتون 

حطي كيس السباقيتي في وعاء يكون عميق انا درت في وعاء الكيل وصبي الخليط في الكيس ثم أغلقيه بالخيط كيما قلت يكون خشن اربطيه باحكام شديييييييييد  ههههه

حطيه في قدر به ماءكيما في الصورة ميكونش القدر معمر بالماء وقفلي عليه خليه يغلي لمدة 20 د وقلبيه برفق للجهة الاخرى يزيد حوالي 20د ونزعيه نحيلو الكيس وخطيه بكيس آخر بلاستيكي وحطيه فيالثلاجة يبرد 

ها هو بعد ما طاب

وقدميه كيما تحبي 

نتمنى نكون أفدتكم أخواتي دمتم في حفظ الله تعالى 

تابع القراءة

قوارب البطاطا المحشية بالدجاج والجبن بطريقتي

السلام عليكن حبيباتي وحشتوني وحشتوني 
كيما علابالكم جاية السخانة وجاي شهر رمضان عما قريب بحول الله وماينفعو غير الاطباق الخفيفة والساهلة راح نقدملكم طبق خفيف من مطبخي وعلابالي يعجب عائلتكم وخاصة اولادكم

كمية من البطاطا حسب افراد عائلتك من الافضل تكون متوسطة ماشي كبيرة وتكون كلها من نفس الحجم تنقيها وتقسمي كل حبة على 2 عرضيا وتخويها من الداخل بملعقة حتى تولي طبقة رقيقة حتى تطيب بسهولة مالازمش تخليها خشينة 




ماترميش هاد البطاطا انا نحطها في كيس وندخلها للكونجي لاتور وكي نجي نعمل لاسوب نحطها مع باقي الخضار ولا ممكن تستعمليها للحشو نتاع القوالب كيما عملت انا في آخر الصفحة



اقليها في زيت غزير على نار متوسطة حتى تطيب من الجيهتين وديريلها شوية ملح وحطيها فوق ورق طبخ تتقطر






تحضري صوص بلونش ببصل وثوم وشوية معدنوس مقطع وفلفل اسود وملح وشوية كسبر مرحي وتقليهم مع كمية من صدر الدجاج وتمرقي بالماء وتزيدي حفنة جلبانة ولا زيتون اخضر ولا حمص حسب الرغبة انا عملت جلبانة تخلي الكل يطيب
كي يطيب الدجاج خليه يبرد وفتتيه



زيديلو حبة طماطم كبيرة مقطعة مربعات ومعدنوس وحشيشة مقطعين وملح وفلفل وزيدي البيض حتى تتحصلي على خليط كيما الصورة مالازمش يكون ناشف وممكن تضيفي خضر حسب الرغبة ممكن بيضنجان او بصل او قرعة 





عمري القوارب نتاع البطاطا وحطي في وسط كل قارب قطعة جبن طرية ودري على الوجه شوية جبن مبروش انا عملت شيدار




في مول نتاع فرن حطي كمية من الصوص وستفي فوقها القوارب 



ودخليها للفرن على 180 من 20د الى نصف ساعة حتى تستوي حبات البطاطا مليح من تحت مع الصوص ويتحمر الجبن من فوق



وقدميها مع رشة معدنوس وليمون


زووووووووووووووووووووم



هادي عملتها بزيتون اخضر في مكان الجلبانة والحشو زدت فيه البطاطا اللي نحيتها من الوسط فورتها شوية وخلطتها مع الدجاج والبيض وماعملتش الطماطم ماكانتش عندي والوجة ماعملتلوش الجبن المبروش دخلتو مباشرة للفرن





نتمنى ينال اعجابكم وراني نستنى رايكم وتقييماتكم وبلا ماننسى تطبيقاتكم

تابع القراءة