مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الاثنين، 5 مايو، 2014

فطيرة الشاورما الشهية من اروووع مايكون

بسم الله الرحمان الرحيم

جبتلكم اليوم فطيرة الشاورما هي نوع من انواع لي تورت شهية جدا هكذا نغير من تقديم الشاورما مع الخبز العربي ونقدمها على شكل فطيرة ممكن تقدم كطبق جانبي او كطبق رئيسي مرفقة مع السلطة كوجبة خفيفة خاصة في الصيف.

اولا نقوم بتحضير العجينة

انا هنا استخدمت العجينة السحرية لي سبق وحطيتها موضوع هاااايلة وهذا الرابط

http://oumdiaaeddin.blogspot.com/2014/05/blog-post_5.html
نبعد مانحضر العجينة نغطيها ونخليها حتى تختمر ويتضاعف حجمها

في هذا الوقت نحضر الشاورما
بالنسبة لطريقة الشاورما تعلمتها من عند اخت من منتدى اخر جزاها الله كل خير

نقطع صدر الدجاج الى مربعات نضيفلو ثوم بزيادة+فلفل اسود+زنجبيل+ م ص مطارد، فلفل احمر حار+كمون +زوج م ك خل وممكن نعوضه بعصير الليمون+معدنوس مقطع رقيق انا ماكنش عندي من الاحسن نخليها في الثلاجة على الاقل3 ساعات حتى الدجاج يتبل مليح




ناخذ مقلاة ونحط فيها 3 ملاعق زيت+شوية بصل مقطع نطيبوه غير شوية من بعد نضيف عليه الدجاج لي حطيناه في التتبيلة مع التحريك على نار متوسطة في الاخير نضيف 3م ك مايونيز ولي يحب الحار يضيف شوية هريسة

من جهة اخرى نقشر البطاطا ونقطعها مربعات ونقليها ونخلطها مع الشاورما ونضيف شوية من الكرام فريش تزيدها بنة وتخلي الحشو طري

في هذا الوقت تكون العجينة اختمرت نقسمها الى زوج كويرات

نبسط الكويرة الاولي ونحطها في مول دائري ونثقبها بالفرشيطة


نحط الحشو

ونرجع الاطراف الى الداخل

نبسط الكويرة الثانية ونحطها فوق الحشو ونضغط جيدا على الاطراف 


نخليها ترتاح لمدة15د ثم ندهنها بصفار لبيض مخلط مع شوية حليب وقطرات خل ونعملها ثقبة في المنتصف وندخلها تطيب في فرن يكون مسخن مسبقا على 200د حوالي 15د وكل اخت والفرن الخاص بها
بعد ما تطيب ننزعها مباشرة فوق مشبك وهذا شكلها بعد ماطابت








نقطعها ونقدمها صراحة هااااايلة هاااايلة








ان شاء الله تجربوها وتعجبكم

نتمنى من الاخوات لي تدخل للموضوع تحط رد لاتقرأ وترحل لان مش سهل انك تحطي موضوع بالصور لكن من السهل جدا انك تطلعي على الموضوع من دون رد

في امان الله

5 التعليقات:

imi heart يقول...

الله يبارك فيك و يعطيك الصحة ان شاء الله

oum marwane يقول...

ابارك فيك

Bassem Boos يقول...

اعطيك الصحة روووعة

غير معرف يقول...

رووووووووووووعة تسلم ايدك غلاتي

Loubna Sol يقول...

V good

إرسال تعليق