مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 9 فبراير، 2014

موس البرتقال من كوزينتي رووووعة

موس البرتقال من كوزينتي رووووعة

بسم الله الرحمان الرحيم
حبيباتي البارح جربت موس البرتقال على طريقتي ومن كوزينتي وخرجت روووعة روووعة جربوها وماتندمووووش راهي عن جد تستحق التجربة


نخليكم مع المقادير والصور للتوضيح أكثر
عندنا 2 بيضات وزوج برتقالات
نفصل البياض عن الصفار
في سوبيير نخبط الصفار مع نص مغرف نشاء وزوج مغارف سكر عادي وعصير زوج برتقالات واذا البرتقال تاعك حامض زيدي السكر حسب الذوق تاعك





نخلط حتان يذوب السكر ومبعد نحط الخليط تاعي في كاسرونة ونبقى نخلط حتان يخثار


ويصبح بهاذ الشكل


نردو في لاسوبيير ونغطيه بنيلو نضيف باش مايعملش القشرة ونحطو يبرد مليح




نروح لبياض البيض نخفقو مليح أولا حتان يطلع ونضيفلو زوج مغارف سكر قلاصي ورشة فاني ونخلط حتان يصبح القوام تاعو هك




هنا البياض واجد ونحطو في الثلاجة


ونجي للاكرام شونتيي نطلع خمس مغارف كرام شونتيي مع كاس حليب بارد جدا وزوج مغارف سكر قلاصي كي تطلع نردها للثلاجة في انتظار خليط العصير والصفار يبرد مليح




كي يبرد خليط الصفار نضيفو مرة مغرف بياض البيض ومرة كرام شونتيي وهكذا حتان نكملو الخليط ولازم يكون التحريك من أسفل لأعلى وبرفق باش مايهبطوش المكونات لي عندنا





ونتحصل على هاذ لاموووس اللذيييييذة مممممممم
نحطها في القوالب ونزينها حسب الرغبة
أنا هنا زينتها ببشور البرتقال ولي حابة أنصاف البرتقال
ونردها للثلاجة أقل شيء ثلاث سوايع وتكون عندنا جاهزة





حبيباتي أحلى دعاء منكن وشكرا لصبركن 

0 التعليقات:

إرسال تعليق