بطاطا بالبيشاميل عملتها اليوم

بطاطا بالبيشاميل عملتها اليوم

---

السلام عليكم
نشكركم الي شجعتوني المرة الماضية لما حطيت طبق الجلبانة وقلتلكم ماتضحكوش عليا اول مرة نطيب لقيت منكم اعجاب وتشجيع ونصائح ان شا الله نعمل بيها المرة القادمة واتشجعت اكتر نجرب ونحطلكم طبق تاني نتمنى تعطوني رايكم وانتقاداتكم وتشجعيكم حتى نواصل ونشارككم معايا


لقيت وصفة بطاطا بالبيشاميل في النت قلت نجربها لانها بانتلي سهلة وننصحكم بيها طعمها رائع
لكن مشكلتي ماعنديش مكونات كثيرة في المنزل متل الجبن مالقيتش درت غير الي عندي برك


نخليكم مع الصور والكيفية


اول حاجة قطعت الدجاج قطع صغار وزدتلهم ملح وفلفل اكحل
وخليتهم يتقلاو





وبعدها عملت خليط فيه
جزر
ومعدنوس وجلبانة وملح






وفرغت الخليط فوق الدجاج




في نفس الوقت كنت نشرشم في البطاطا








ننزع قشور البطاطا




نرحيها بالشوكة




نزيدلها ملح وفلفل اكحل



وزبدة



ونخلطهم




نفرغ الخليط في القالب




ونضيف الخليط من فوق






عملت البيشاميل
الحليب


الطحين








ونفرغو من فوق







ونحطو في الفرن

هذا الشكل النهائي













والله ننصحكم بيه طعمو رائع وانتم ممكن تعملوه اروع لاني ماعنديش مكونات كثيرة في البيت
اعطوني رايكم وشجعوني نحطلكم اطباق اخرى