مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 9 فبراير، 2014

البريوش

اليزابل
وصفه البريوش 



هذي صورتهم و صورة المول لي طيبتهم فيه











أنا ما نستعملش العبر عيني هي ميزاني بصح غادي نقوللكم بالتقريب
ديري زوج حبات بيض صغار و م ص فاني تاع الميزان قرصة ملح فنجان صغير سكر عادي 1 م ك زيت 3 م ك حليب غبرة زاست البرتقال أنا درت تاع المندرين ممممم وتقدي تعوضيه بزاست الليمون الأصفر و كأس ماء دافئ مليييح و 4 م ك فرينة مغربلة خلطيهم و ضيفيلهم م ك خميرة الخبزو زيدي خلطي مليييح بالباتور أو فالبيتران مدة 10 د انا استعملت البيتران. غطي وخلي الخليط يرتاح في مكان دافيء مدة ربع ساعة إلى 20 د ثم تكوني وجدتي الفرينة مغربلة و باكي خميرة الحلويات آبادي ضيفيهم للخليط حتى تولي العجينة متماسكة مشي ناشفة شوية مطلوقة تلصق فاليد اعجني مليييح 10 د و منبعد ضيفيلها قد 2 م ك زبدة أو مارغرين طرية و زيدي عجني حتى تدخل فالعجينة مليح
غطيها و خليها ترتاح حتى يتضاعف حجمها هبطيها بيدك و قطعي منها خبيزات صغار و أحشيهم بالشكولا لي عندك و حطيهم فلي مول بعد ما تكوني دهنتيهم بالماغرين و خليهم يخمرو مليح ادهنيهم بالبيض مخلط مع لافاني و دخليهم للفرن ساخن على 180 حتى 190 د ومين يحمارو من فوق خرجيهم و نحيهم من لي مول باش ما يعرقوش و كي يبردو رشيهم بالسكر رطب هاذي الوصفة معتمدتها من زمان و نستعملها تاني فالدونات و ناجحة 100/100 فقط نبدل النكهات على حسب واش نحضر
Voilà كملت و شهية طيبة 

0 التعليقات:

إرسال تعليق