مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 18 مايو 2014

مقروط المقلة بشكل وردة

بعد بسم الله السلام عليكم
هذا المقروط يجي يذوب فلفم لذيذ



التحضير:

3كيلات سميد متوسط + رشة ملح+ 2مغارف لحظة


حطي فوقهم كيلة سمن وزبدة ذايبين


حكي مليح حتى يدخل ليدام كامل في حبيبات السميد وخليه يرتاح 1ليلة كاملة تقدري تخليه لمدة 1ساعة يرتاح غدوة من هذاك حليه بيدك


مبعد شمخيه بكيلة ماء وماءزهر لازم تكملي الكيلة كاملة حتى واذا كانت طرية متخافيهاش غطي العجينة .


الحشوة: تمر نقيه من العلف واعجنيه بالزيت انا منفوروش اعجنيه بالزيت وادلكي هذي الطريقة رائعة احسن ملي تفوريه يحماض اذا طول بصح هذي الطريقة يجي بنين ومعسل من داخل لما تعجنيه ديريلو كبابة وقرنفل و قرفة وديريلوا ماءزهر


مبعد حضري طوابع الوردة


خذي كرة من العجينة وديري في وسطها كرة من الحشوة


كوريها ثم رمديها في الفرينة غير شوية وديريها في طابع الوردة


مبعد حضري كسرونة صغيرة باش تعوميها بالزيت لانو المقروط يحب تعوميه بالزيت وتديريه يتقلى مرة وحدة متقلبيهش باش ميتحلش والنار تكون متوسطة ماشي قليلة والا راح يتحلك اقليه حمريه مليح


مبعد مباشرة عسليه في عسل مخفف بالماء زهر


وقدميه بالصحة والعافية لذيذ

0 التعليقات:

إرسال تعليق