مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 18 مايو 2014

إذا نسينا إليكم الذوق الأصلي *لأورونجينا*

السلام عليكم
ان شاء الله تكونو كلكم بخير
بعد غيابي الطويل
بسبب انقطاع النات
عدت اليكن بوصفة عصير برتقال منعش ولذيذ جدا جدا
يرقى ذوقه الى ذوق الارونجينا الاصلي او احسن منه وهذا بشهادة زوجي
اليكم المقادير والطريقة 

المقادير :

حوالي 1كلغ ونصف من البرتقال
كمية من السكر حسب الذوق
عصير ليمونتين او ثلاثة
ماء بارد جدا جدا
علبة يايورت بذوق المشمش

طريقة التحضير :

نغسل البرتقال جيدا بالماء و الفرشاة


في كوكوط نقطع حبات البرتقال على اربعة انصاف


ننزع اللب لانه هو اللي يطلق المرارة في العصيير

ندير كمية صغيرة من السكر وحوالي رتل ونصف ماء

نغلق الكوكوت ونتركها اطيب

باش تعرفي بالي طابت دخلي سكين في القشر تلقايها طرية

نطحنها بالبرا ميكسور

نتحصل على هذا الخليط

نحضر المكونات اللازمة
ناخذ كاس مملوء من خليط البرتقال المطبوخة

نخلط البرتقال مع حوالي 2لتر ونصف من الماء البارد جدا ونصفي الكل بلا شينواز الكبيرة

يقعد غير هذا القشور

نتحصل على 2طاسمن هذا الحجم من العصير
كل هذه الكمية نخلط معاها المقادير المذكورة

نخلط معاه السكر حسب الذوق والليمون وفي الاخير نزيد علبة اليايورت بذوق المشمش ونخلط جيدا
فهمتوني اخواتي كل الكمية تع العصير نخلطها مع المكونات الاخرى
يعني 2طاس عصير+المكونات
وهذا كله بكاس فقط من البرتقال المحضرة

طريقة التقديم











الباقي تحتفظي بيه في اكياس والى الفريزاو المجمد
شهر رمضان على الابواب

هنا اعصرت البرتقال عادي وعملتهم في مول السليكون والى المجمد





اخواتي ممكن نعوض الياورت بعصير المشمش يعني ككون موسمه
اخواتي ان شاء الله اجربوه قبل ماتخلاص الشينا من الاسواق احنا عندنا راه ب60دج
في الصيف ورمضان نستمتع بعصير صحي ولذيذ جداااااومنعش
ام ماجد وبتيلا والاخريات هل تستطعن المقاومة هههه
تقبلوا تحيات اختكم ام اسلام واية ويوسف

2 التعليقات:

oum mohamed يقول...

ماشاء الله

Unknown يقول...

شكرا ختي جربيه راه ساهل ومنعش راني جربتو وخرج هايل

إرسال تعليق