* الفلفل المرقد على طريقة الجدود*-*من مطبخي....

في هذا الوقت من السنة يكون الفلفل بأسعار منخفضة قليلا بحيت تقدري تعملي كميات و تخبيها لرمضان مثلا

لذلك جبتلكم هذه الطريقة

هي طريقة جدتي الغالية جدا جدا جدا على قلبي ربي يسلمهالي و يخليهالي و يحفظهالي من كل مكروه 

طريقة ترقاد الفلفل الحار :


راح نعطيلك مقادير قارورة الماء نتاع 1 ل و نصف

**تاخذي الفلفل نتاعك أنا هنا مثلا أخذت قرن غزال القصير غسلتو مليح و قصيت القطامر نتاعو اللي يكونوا طوال

**ثم تقسمي الوحدة على 2 طوليا هكذا 

**و ترصيه في القارورة حيث أن الكمية نتاع الفلفل حسب حجمو و قداش هزتلك القارورة

** ضعي 2 م ك ملح المائدة لكن من المستحسن الملح الخشن

**و 1 م ص كروية مرحية + 1 م ص كسبرة يابسة مرحية + 1 م ص كسبرة يابسة حب + 2 فصوص ثوم مقسومين على 2

** ثم أفرغي الخل حتان توصلي قريب للنص حوالي 2 صباع أقل من نصف القارورة

** و اكملي الباقي بالماء خلي حوالي قدر فنجان باش تتمكني من رج القارورة لخلط المكونات

** رجي القارورة جيدا جيدا و أكملي بالماء

**ضعيه بدرجة حرارة الغرفة في الشتاء مدة أسبوع إلى 10 أيام و تقدري تاكلي منو بعدها

**أما في الصيف خليه مدة يومين في الشرفة نتاع المطبخ و من بعد حطيه في الثلاجة مدة 10 أيام باش تقدري تاكلي منو


هنا بعد يومين شوفي كيفاش بدا يصفار و تتنحالو لخضورية

التوابل اللي يتحطو فيه راح يعطيولوا بنه مميزة و هذي هي طريقة جدتي الغالية ربي يحفظها و يخليهالنا دايما معمرة علينا الدنيا

ملحوظة:

-من الأفضل ما تفتحيهش طوال مدة الترقاد
- و في فصل الصيف من المستحسن تخليه في الثلاجة بعد ما يترقد باش ما يفسدلكش بفعل الحرارة