مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الخميس، 13 مارس، 2014

وصفة معجون التشوينة

وصفة معجون التشوينة 
كيلو تشوينة غسلتو مليح ونقيتو من الريش و ساعات نلقى حبات فاسدين نرميهم
ونحكم كل حبة نثقبها 3 او 4 ثقوب بـالكيردان ( عود الأسنان ) ونحطهم في إناء ونصب عليهم ماء ونخليها تبات وكل عدة ساعات نبدللها الماء باش نتخلص من المرارة نتاع القشرة


في الغد نصفيها من الماء ونوزنها ( لانو الباعة ساعات يغشو في الميزان العام اللي فات شريت كيلو كي روحت وزنتو لقيتو 800غ فقط  )
لكل 1كغ نستعمل 800غ سكر عادي
نحط التشوينة في كوكوط مع 1 لتر ماء ونغلق الكوكوط ونخليها طيب راهي ماولش منين دور السفارة نحسب حوالي 15د المهم حتان تطرى القشرة ماشي ترجع روينة 
نحل الكوكوط ونحط السكر ونحرك برفق حتان يذوب السكر ونزيد شوية فاني وممكن اللي يحب يينكه ببذور anis ( نجم الارض ) كل واحد واش يحب
ونخليها تغلي على نار متوسطة حتان تعقد
كيفاش نعرفها طابت :
نهز شوية سيرو ونحطو في صحن صغير ونحطها في المجمد تبرد مليح ونشوف إذا عملت خط في وسط السيرو بإصبعي والخط هذاك ماتغلقش بسرعة معناها راهي واجدة نطفي النار
راهي ماتديش وقت بزاف ثم ثم يوجد راهو أسهل معجون درتو في حياتي مايطلب لا جهد لا وقت 

كل ماطول وهي تغلي يتحول اللون من أصفر فاتح إلى عسلي أنا نحب اللون العسلي وأيضا كي تخليوها تعقد بزاف ترجع القشرة نتاع التشوينة مكرملة
هذا المعجون راهو بنين وحامض  بالنسبة ليا هو المفضل في كل الانواع نستنى التشوينة من العام للعام باش نديرو وناكلو 
* ملاحظة : إذا تحبو السيرو يجيكم ثقيل بزاف كي يبرد وقوامو كيما لا جولي زيدو شرية او 2 نتاع ليمون ولازم الليمون يكون فيه بذور
في هذه الحالة ممكن تحتفظو بالمعجون خارج الثلاجة ومايصرالو والو لانو بذور الليمون فيها مادة حافظة تحفظ المعجون من التعفن


بصحتكم مسبقا 

1 التعليقات:

Unknown يقول...

شكرا جزيلا على المعلومات والمجهود الجبار

إرسال تعليق