مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 2 مارس 2014

طريقة جديدة لتحضير اروووووع محقن على الاطلاق

بسم الله الرحمان الرحيم

السلام عليكم غالياتي

اليوم جبتلكم طريقة جديدة لتحضير المحقن ساهلة راح نحضره فقط بالفووي او الشوكة ما نستعملش الباتور والنتيجة اكثر من راااائعة هذا الوصفة عطاتهالي سلفتي جزاها الله كل خير من يومها اعتمدت الوصفة ولا يمكن اني نغيرها وكل لي ذاقها عندي طلب الوصفة .


المقادير:هذا المحقن راح نحضره في مرحلتين

المرحلة الاولى نحتاج الى

6 بيضات
كاس كبير سكر عادي انا استعملت كاس الحليب
كاس ونصف زيت
كاس نشاء
كاس فرينة
2خميرة
فاني
المرحلة الثانية نضيف

الفرينة

الطريقة: هنا راني عملت نصف المقادير حتى نصور المراحل
اولا نوريلكم الكاس لي استعملت



في اناء نحط البيض والسكر والفاني



بواسطة الشوكة ولا الفووي نحرك المقادير




نضيف الزيت ونحرك



راح نتحصل على هذا الخليط



نضيف كاس نشا وكاس فرينة و2 خميرة انا عملت نصف كاس نشا+نصف كاس فرينة+1خميرة لاني عملت نصف المقادير نحرك راح نتحصل على خليط سائل



نغطيه ونخليه يرتاح لعدة ساعات من الاحسن نحضره في الصباح ونكمله في المساء او نحضره في الليل وغدوى من ذاك نكمله
هذا شكله بعد ما ارتاح



نضيف للخليط الفرينة حتى نتحصل على عجينة متماسكة ماتكونش طرية بزاف ولا قاسحة بزاف نشكلها في المحقن كيما معروف او نستعمل لابوش ادوي

ندخلها لفرن مسخن على 180 ونراقبها لانها خفيفة يعني تطيب بسرعة.

هذا شكله بعد ماطاب






شوفو شكله من الداخل لاحظو الثقوب هذا يدل على ان خفيف وهش وفي نفس الوقت مقرمش اممممممممم





صراحة اروووع وصفة للمحقن يمكن تعتمدوها جربوها واكيد راح تعتمدو الوصفة

ملاحظة:

من الافضل نحتفظ به في علبة حديدية نفرشها بمناديل ورقية ونغطيه ايضا بهم .

في امان الله

0 التعليقات:

إرسال تعليق