مقروط الشهدة

السلام عليكم و رحمة الله و بركاته
و اخيييييييييييييييرا حباباتي قدرت نحط الموضوع و اسمحولي بزاااااااااااااااااااااااف طولت عليكم نروحو للموضوع

المقادير تحتاجي
3 كيلات فرينة كيلة سمن انا نستعمل سمن مدينة بيضة قرصة ملح فاني و تبلي بماء الزهر

و كي تلميها اعجنيها شوي حتان تولي طرية ديريها في كيس بلاستيكي و خليها ساعة على الاقل

و ضك الحشو ديري ثلاث كيلات لوز و كيلة غير 2 صباع تكر رطب شوي سمن ذايب و ما زهر حتى تتلم انا هنا درت كوكاو 

[/url
بعدما ترتاح لعجينة حليها ماتكونش رقيقة بزاف كيما تاع لبقلاوة و ما تكونش خشينة مليحة برك

و زيدي ديري حربوش تاع اللوز 

حطي لحربوش تاع الحشو و لفي لعجينة 3 مرات و قطعي و مبعد ديري مقروطات

وهذوك لمقروطات غطيهم كي تحطيهم في لبلاطو باه ما ينشفوش و يتنقشو مليح و كي تكملي القصان تروحي للصعب و هو النقش و الله هو لازملو تركيز و اني صورتلكم و اذا مفهمتوش رايحة نحاول نشرحلكم على قدر المستطاع

و كي يكمل نحطو يطيب و منين يطيب نغطسوه في العسل هنا اذا كان الحشو لوز خليه 15 دقيقة و قطريه و اذا كان كوكاو خليه ساعتين او ثلاثة و مبعد قطريه

و اخيرا ديريلو لماع غذائي و ديريه في ليكيسات

و تقدرو ديروه بهذا الشكل ميش شرط مقروطة

نتمنى نكون وفقت في الشرح و اسمحولي كثرت الصور بها يكون واضح مليح
دعوة خير تكفيني منكن اخواتي
سلاااااااااااااااام
و هذا النقاش للبنات لي طلبوه