مدونة ام ضياء الخاصة بطبخ حراير الجلفة

هذا خبز تحبي دريه مالح ولا حلو خفيف وهايل



2 كيسان فرينة + نص كاس ماء +نص كاس حليب+ 2 مغارف صغار خميرة خبز + مغرفة كبيرة سكر + ملح + 2 مغارف زيت

التحضير// نخلط الحميرة مع السكر مع الماء الدافئ مدة 10 دقايق

نخلط الفرينة المغربلة مع الملح والزيت ثم نضيف الخميرة ونبدى نزيد في الحليب بالشوي نتحصل على عجينة طرية نعجنها

مليح ونخليه تطلع مدة ساعة

ومن بعد نعجنها شوي ونقسمها 8 كور ونحل كل كورة على شكل حربوش ونلوي ونحط في الصينية المدهونة

ونزيد نخليه يطلع مدة ساعة وندهن ببيضة مخلطة مع مغرف ماء وقطرة خل ونحط يطيب