حلوى الجلجلانية بنيسلي من مطبخي

السلام عليكم اخواتي
حلوى الجلجلانية بنيسلي حلوى اقتصادية وبنينة تذوب في الفم يمكن نحضرها حتى في المناسبات.

المقادير هذي تقطع32حبة.

المقادير:
250غ مرقرين انا نستعمل دائما لابال.
5م ك سكر رطب
3صفار بيض
2م ك جلجلانية محمصة
3م ك نشاء
نصف باكي خميرة
فاني
فرينة انا نستعمل دائما سيم.
نحتاج ايضا الى:
كمية من الجلجلانية البيضا مش محمصة
نيسلي كرامليزي
شكولة
حبات لوز بالقشور

الطريقة:

بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الجلجلانية والنشاء والفاني والخميرة ونضيف الفرينة حتى نتحصل على عجينة تكون طرية نوعا ما مالازمش نشيحها بزاف

نشكل كويرات بحجم25غ

http://

إضغط هنا لرؤية الصورة بحجمها الطبيعي.

نحتاج الى هذا النوع من لي مول كاين عدة اشكال

http://

إضغط هنا لرؤية الصورة بحجمها الطبيعي.

نمرر الكويرات في الجلجلانية البيضا من بعد نحطها في لي مول ونضغط شوية عليها

http://

إضغط هنا لرؤية الصورة بحجمها الطبيعي.

ندخلها للفرن تطيب في فرن يكون مسخن على180درجة تقريبا 8د من الاسفل تكون طابت ثم نشعل عليها من فوق

نخليها تبرد وننزعها من لي مول لازم نضغط من الاسفل وننزعها باه ما تتكسرش 
هذا شكلها بعد ماطابت

http://

إضغط هنا لرؤية الصورة بحجمها الطبيعي.

ناخذ نيسلي كرامليزي راه متوفر في السوق او نشري العادي ونطيبوه في لاكوكوط
نحط نيسلي في المنتصف ونحط من فوق حبة لوز

http://

إضغط هنا لرؤية الصورة بحجمها الطبيعي.

نذوب شوية شكولة على حمام مائي نضيفلها غير شوية حليب ونين الحلوى من فوق
نحط الحلوى في ليكيسات ونقدمها وهذا شكلها

http://

إضغط هنا لرؤية الصورة بحجمها الطبيعي.

http://

إضغط هنا لرؤية الصورة بحجمها الطبيعي.

http://

إضغط هنا لرؤية الصورة بحجمها الطبيعي.

عن قرب

http://

إضغط هنا لرؤية الصورة بحجمها الطبيعي.

نتمنى تعجبكم الحلوى وتجربوها وتنجحو فيها

في امان الله