مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الأحد، 12 يناير، 2014

خطوات جينواز ناجحة 100 100+تارت كرمال امممممم





الى المبتدئات في الحلويات
كثيرا من المرات أقرأ طلبات او تصلني رسائل خاصة
اريد ان اتعلم كيف اصنع تارت عيد ميلاد
او الجينواز ماتصلحليش
او عندي عقدة من صناعة تارت
وعمري مارح نقدر نصنعها وحدي
وغيرها
وتلبية لطلبهم راني وعدت ووفيت
ودرت تارت بالخطوات نتمنى تعجبكم وتجيب على كل تساؤلاتكم


ندخل في المفيد

المقادير 

6بيضات بحرارة الغرفة
كاس فرينة
نص كاس نشاء
كاس سكر
1خميرة حلويات
فاني تع الميزان


أول اجة لازم تكون عندك ثقة بنفسك لانها اساس نجاح اي شيئ
ماتخلعكش لي تارت لي تشوفيهم في المحلات قادرة ديري ماخير منهم
تاني لازم توجدي كل اللواز قبل البدئ
وتكون بكميات كافيه خاصة الكريمة
لازم تتقيدي بالوصفة والنصائح بحدافيرها وماتهمليش اي تفاصيل
اخيرا تتوكلي على ربي وتبداي
قبل كل شيئ نوجد المول ونحطه بجيهة
المول المستعمل قطره25سم

نغلق القعر بورق الخبز والحواف ندهنهم بالزبدة ونرشهم بالفرينة

إضغط هنا لرؤية الصورة بحجمها الطبيعي.


ومش اي مول يصلح لازم مقاييس معينة من بعد نحطلكم قطر هدا المول

الان نغربل الفرينة والنشاء والملح والخميرة

إضغط هنا لرؤية الصورة بحجمها الطبيعي.


تم نضرب صفار البيض والسكر والفني جيدا


إضغط هنا لرؤية الصورة بحجمها الطبيعي.


وهنا اساس نجاح الوصفة
لازم البيض يكون بحرارة الغرفة مش تخرجيه من الثلاجة ومباشرة تخدمي بيه ماراحش يتضاعف حجمه والكيكة ماتجيش منفخة وهشة
وادا حصل ونسيتي تخرجيه من الثلاجة معليش سخني شوية ماء ودفي البيض واستعمليه

نضرب مليح ملي اقل مدة ربع ساعة على سرعة عالية
حتى نلاحظ ان الصفار اصبح كثيف ومتل الممايونيز تقريبا



هد الخطوة تساعد ايضا في التخلص من رائحة الصفار المزعجة وماراحش تبان ابدا

على جنب نطلع البياض مع نقطة ليمون

إضغط هنا لرؤية الصورة بحجمها الطبيعي.


تم نبدى باضافة خليط النشاء والفرينة والخميرة على دفعات وكي تتكتل وتكون عاقدة نضيف البياض ونحرك بهدوء

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


نحصل على هدا الخليط

إضغط هنا لرؤية الصورة بحجمها الطبيعي.


نحطو في المول والى الفرن

لي نكونوا سخناها قبل ب10د ولما ندخل المول نضبط الحرارة على 200 درجة وبعد 5د نرجعها ل180درجة حتى تكمل طياب

إضغط هنا لرؤية الصورة بحجمها الطبيعي.


لما تبدى ريحة الكيكة تفوح نعرف انها طابت
وجامي نفتح الفرن قبل هده اللحظة لانو الكيكة رح تهبط

نختبر الطياب
ندخل موس وادا خرج ناشف معنتها طابت وادا كان مندي نزيدولها الطياب

إضغط هنا لرؤية الصورة بحجمها الطبيعي.


ونخلوها حتى تبرد شوية ونحيوها من المول ونحطوها تبرد على شبك
ولنجاح الكيكة وتزيينها 100 ب 100 دايما نطيبو الجينواز ونخلوها تبات والغد نزينوها تكون النتيجة رائعة

شوفوا كفاه طالعة ولونها يهبل

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


وهدي هي مراحل الجينواز واسرارها

بنفس هده المقادير عملت تارت لحفل خطوبة
تارت الكرمال وكانت بنتها لاتوصف امممممم

المول استعملت مستطيل
وطيبت 2 وحدة عادية والاخرى بالكاكاوو

إضغط هنا لرؤية الصورة بحجمها الطبيعي.


خليتهم يباتوا في الفريجيدار والغد زينتهم

قطعت كل كيكة على 2
وسقيتهم مليح بالسيرو
كاس ماء وكاس سكر على النار حتى يدوب السكر ويبرد ونسقي الكيكات

إضغط هنا لرؤية الصورة بحجمها الطبيعي.


طلعت 200 غ غبرة شونتيي مع حليب بارد جدا جدااااا
ومن بعد اضفت ملعقتين ديكوجال دوق كرمال

هدي صورة العلبة


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


حمصت شوية لوز ورحيتهم خشين لتزيين الحواف

إضغط هنا لرؤية الصورة بحجمها الطبيعي.


هدي كرتونة غلفتها بالمنيوم تسهل العملية اثناء التزيين

إضغط هنا لرؤية الصورة بحجمها الطبيعي.



الان نبدى بمونتاج التارت
نحط طبقة كيك عادي وكريمة وطبقة كيك بالكاكاوو وهكدا
الكريمة الكرمال نحط كمية وفيرة مش ندهن برك

إضغط هنا لرؤية الصورة بحجمها الطبيعي.


وكي نبدة مونتاج لازم دايما قعر الجينواز يولي من فوق لانو يكون مستوي

إضغط هنا لرؤية الصورة بحجمها الطبيعي.


نغلف كل الكيكة بكريمة الكرمال

إضغط هنا لرؤية الصورة بحجمها الطبيعي.


طبقة وفيرة

نغلف الحواشي باللوز المرحي

إضغط هنا لرؤية الصورة بحجمها الطبيعي.


ونحطها في الثلاجة تتماسك شوية قبل لانبدى التزيين حتى ربع ستعة

الان الخطوات الاخيرة

إضغط هنا لرؤية الصورة بحجمها الطبيعي.


نزين الحواشي بكريمة الكرامال ونغلق مليح بينهم باه الكرمال من بعد ماتسيحش

نصب ديكوجال دوق كرمال ونسويه مليح

إضغط هنا لرؤية الصورة بحجمها الطبيعي.


التزيين يكون حسب الموجود وحسب الرغبة وصدقوني كلما كان بسيط كان احلى



الكتابة بالشونتيي اسهل من الشوكولا

هنا زينت كما تشوفو حاجة بسيطة ودهنت الفاكهة بلاجولي

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


هنا حطيت شوية بات داموند في بروشات ودرت فوقها وردة صغيرة بالشونتيي ومن بعد هزيتها بمقص جاتني ساهلة

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


صدقوني طعمها كان هاااايل وطرية وهشة اممممممم
نتمنى تجربوها وتنجحوا فيها وتفرحوني
واي استفسار انا في الخدمة

تعبت في تنزيل الموضوع
دعوة في ظهر الغيب تكفيني




يثبت الموضوع حتى تطلع عليه الاخوات اللاتي طلبن الوصفة

0 التعليقات:

إرسال تعليق