بريوش رولي لذيذ جدا.....
المقادير
1 كيلو فرينة
4 عضمات
4 م ك سكر حرش
قرصة ملح
كأس زيت و ½ تع التاي
3 مغارف نشا
4 مغارف خميرة تع الخبز
حليب دافئ للعجن
للتزين
سكر حرش للتزين
بيضة نحلوها بشوية حليب و نديروفيها مغرف نسكافي للدهن
الطريقة
نحطو المكونات الجافة مع بعض
ثم نضيف الزيت و نمحر مليح
نحل البيض في شوية حليب
و نضيفها للخليط الفرينة
و نعجنو بالحليب الدافئ حتى نتحصل على عجينة متجانسة و طرية و نخليها تخمار "ترتاح"
و هذي العجينة بعد ماترتاح
و مبعد نحلوها بالحلال حتى يولي سمكها 3 ملم يعني رقيقة بزاف
و نرشو عليها السكر
ملاحظة
تقدري تحشيه بأي حاجة زبيب شيكولا مرحية ولا سكر مع القرفة
كي نديرو السكر نضغط عليه بالحلال
و نروليوه مي مانضغطوش عليه باش يطيب مليح في الفرن
و نقطعوه و نحطوه في المول ليراح نطيبوه فيه المول يكون مرشوش بالفرينة
و نزيدو نحطوه يرتاح بعد مانحطوها في المول "الصور توضح"
وهذا الصورة بعد مارتاح
ونوجدو خليط البيض و الحليب والنسكافي و ندهنو بيه حبة البريوش نتاعنا وننثر عليه شوية سكر
و نحطوه طيب
و هذا شكلو بعد مايطيب
ان شاء الله تجربوه و يعجبكم
ملاحظة
السكر تقدرو تزيدوه قد ماتحبو الحلاوة نتاع البريوش انا مانحبوش حلو بزااف ندير 4 م ك
0 التعليقات:
إرسال تعليق