قلوب الشوكولا بالكريمة زين وهمة

قلوب الشوكولا بالكريمة زين وهمة

---

السلام عليكم احلى عضوات 

في الايام الماضية شفت هذه الوصفة في التلفاز اول ماشفتها اغرمت بها هههه قدمتها صاحبتها بذوق القهوة لكن انا قلت نجربها لكن بذوق الشوكولا اذن ادخلت عليها بعض التعديلات والنكهات وحتى الكريمة غيرت فيها 
قلوب الشوكولا بالكريمة 

المقادير 
4صفار بيض 
250غ مارغرين 
2ملاعق كباركاكاو 
كاس سكر ناعم 
كاس مايزينة 
1خميرة الحلوة 
قرصة ملح
عطر الكراميل 
عطر الشوكولا 
فرينة حسب الحاجة 

والصور توضح اكثر 

طريقة التحضير

نخلط الصفار مع السكر والكاكاو وقرصة الملح والمارغرين جيدا +1ملعقة كبيرة عطر الكراميل وملعقة اخرى من عطر الشوكولا 

نخلط كاس المايزينة مع 1خميرة الحلوة بالملعقة ونضيفها للخليط 

نجمع العجينة بالفرينة تكون طرية 

صورة الاكستري

حلي العجينة وقطعيها استعملي هذا الطابع وايضا قاطعة العجين تساعدك في حمل الحبات الى السنية بدون ان يفسد شكلها 

رشي سنية بالفرينة وحطيهم 
يطيبو في فرن 180حوالي 8الى 10دقائق لا اكثر

حضري كريمة الزبدة انا استعملت كريمة ام رامي اممم 
2صفار مع نصف كاس سكر ناعم نخلطهم جيدا 
نذوب الشوكولا ونضيفها انا ماذوبتهاش مليح خليت فيها شوية حبيبات الشوكولا امممم
نضيف 125غ زبدة لابال مخلوطة وحدها ثم نضيفها وزدت اكستري الشوكولا والكراميل 

نحط الكريمة فوق الحبة ونلصق حبة اخرى 

نذوب شوكولا منى بالحليب ونضيف قطعة زبدة وشوية حليب ونخلط جيدا ونقلاصي الحبات 

نحضر الخليط الابيض تع ام رامي 
4ملاعق سكر ناعم ملعقة كبيرة زيت ملعقة صغيرة مايزينة وقرصة ملون ابيض تع الميزان و2ملاعق كبار حليب ونخلط جيدا 
نغسل كيس حليب انشفوه مليح من الداخل نثقبه بواسطة كوردون او ابرة ونحط الخليط ونشكل خطوط او اي شكل

نقدموها روووعة بريسنتابل والبنة مانقولش جربوها تعرفوا 

بالنسبة الي يحبوها بالقهوة نفس المقادير وتعوضوا عطر الشوكولا بعطر القهوة وتضيفوا 2ملاعق نسكافي 

بالنسبة للكريمة اديرو مارغرين وسكر ناعم ونسكافي وتخلطوهم وتحشو بيهم الحبات 

نتمنى اجربوها هايلة وملائمةفي المناسبات والاعياد 

ام ابراهيم الحلوة لعيونك حبيتي 

تم والحمد لله 

مع تحيات اختكم ام اسلام واية ويوسف