مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

السبت، 15 فبراير، 2014

ميني كيك بالتمر هااااااااااايل

 ميني كيك بالتمر هااااااااااايل

السسسسسسسسسسسسسسسلام عليكم و رحمة الله و بركاته
اخواتي هذا اول موضوع ليا نتمنى ينال اعجابكم و تشجعوني باه نواصل نحط مواضيع اخرى باذن الله
حبيت نشاركم بميني كيك بالتمر و الله هايل و ما تحسيش طول بذوق التمر فيه
المهم لي ما فهمتش حاجة انا في الخدمة
نبداو بسم الله
2 بيضات - 170غ دقلة - و لا تمر طري ميش يابس - كاس ماء-150غ سكر - 70 غ زبدة ذايبة -مغرفة صغيرة خميرة الحلوى - نص مغرفة صغيرة بيكاربونات - 180 غ فرينة
اولا قطعي التمر قطع و صغار و طيبيه في الكاس نتاع الماء حتان ينشف و حطيه يبرد لازم يبرد باه تبداي الخدمة


كي يبرد التمر رايح يكون كي لعجينة لي في الطبسي في الصورة
ابداي طلعي البيض مع قرصة ملح و السكر مليح مبعد الزبدة حتى يطلع مليح مبعد زيديلو التمر و زيدي خلطي بالباتور


و مبعد زيدي الفرينة مع لخميرة و ل بيكاربونات و خلطيهم بالمغرفة


ادهني لي مول نتاعك بالزيت و شي عليهم الفرينة و فرغي الخليط و الى الفرن لي يكون مسخن قبل


و هنا كي طاب و خرجتو من الفور


و التزيين رايح يكون حسب الموجود بصح لازم تدهنيه بشوكولا و مبعد كينا تحبي انا درت نص بالنوادكوكو و نص باللوز افلي 


ان شاء الله ينال اعجابكم خواتاتي و دعوة خير تكفيني
سلااااااااااااااااااااااااااااااام

0 التعليقات:

إرسال تعليق