مرحبا بكم في مدونة ام ضياء الدين الخاصة بطبخ وحلويات حراير الجلفة ............. وهي تجميعة من المواضيع المشارك بها من قبل عضوات منتدى الجلفة في مجال الطبخ والحلويات ............ فارجو ان تنال اعجابكم..................

الاثنين، 13 يناير، 2014

قلوب الشكولة بالكاوكاو والجلجلانية من اروووووع مايكون

السلام عليكم اخواتي
كيف حالكن غالياتي ان شاء الله كاااامل راكم بخير

حلوى اليوم اقتصادية وبنينة ومناسبة للافراح والمناسبات وتقطع كمية مليحة وكنت وعدتكم اني نحطها قبل
اسمحولي على التأخير كان عندي مشكل في اللاب توب 

المقادير:
250غ زبدة،250غ كاوكاو محمص ومرحي رقيق،250غ جلجلانية محمصة،2صفار بيض،نصف كاس سكر رطب،1خميرة كيميائية،3 م ك كاكاو،فرينة

الكريمة:
100غ زبدة،م ك كاكاو،كمية من السكر الرطب او العسل

للتزيين:
شكولة ،عجينة اللوز الاصطناعية

الطريقة:

بواسطة الخلاط الكهربائي نحرك الزبدة مع السكر الرطب جيدا نضيف صفار البيض ونستمر في التحريك ثم نضيف الكاوكاو والجلجلانية والخميرة ونشيح بالفرينة

نبسط العجينة بالحلال ولازم تكون رقيقة شوية لان فيها الخميرة ونشكلها باي طابع انا استخدمت طابع على شكل قلب
ندخلها للفرن تطيب بعدها نخرجها ونخليها تبرد.
في هذا الوقت نحضر الكريمة
بالنسبة للزبدة انا استعملت ستار في هذا الكريمة وممكن نستعمل فلوريال
نخلط الزبدة مع الكاكاو بالباتور ونضيف تدريجيا السكر الرطب او العسل حسب الذوق
بعدها نلصق الحلوى كل زوج حبات بالكريمة يلزم تكون كمية الكريمة مليحة لانها تعطي بنة للحلوى
من جهة نذوب الشكولة على حمام مائي ونضيفلها كمية قليلة من الحليب

انا استعملت هذا النوع من الشكولة هايلة
http://
إضغط هنا لرؤية الصورة بحجمها الطبيعي.








نغطسها الحلوى من فوق في الشكولة ونحطها فوق مشبك حتى تجف
في هذا الوقت ناخذ كمية من عجينة اللوز الاصطناعية نضيفلها شوية نشاء وشوية لوز مرحي غبرة والسر في اللوز ان عجينة اللوز تبقى طرية مهما طالت المدة من تحضيرنا للحلوى
نضيف كمية من الملون الابيض لعجينة اللوز ونشكل وردات كبار شوية
ونضيف كمية من الكاكاو ابقية العجينة ونشكل وردات صغار

وهذا شكل الطابع المستعمل
إضغط هنا لرؤية الصورة بحجمها الطبيعي.


نحط الوردة البنية داخل البيضاء ونحط داخلها عقاش فضي
نلصق الوردات فوق الحلوى ونزين بخطوط من الشكولة البيضاء والملمع الفضي ونقدمها في ليكيسات
وهذا شكلها النهائي

http://
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.


عن قرب

http://
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.


نتمنى تعجبكم الحلوى ولاتنسوني اخواتي من صالح دعائكن
ملاحظة
هذا الكمية تقطع حوالي 50حبة وهذا حسب حجم الطابع المستخدم

في امان الله

0 التعليقات:

إرسال تعليق